На Вучиќ му се СЛОШИЛО во САД: Итно ја ПРЕКИНА ПОСЕТАТА и се враќа во Белград, откажана средбата со Трамп!

Српскиот претседател Александар Вучиќ итно ја прекина својата посета на САД. Тој е веќе на пат кон Белград. Причината е што синоќа ненадејно му се влошила здравствената состојба.

Како што јавија српските медиуми, Вучиќ побарал медицинска помош во САД. По извршениот преглед, донесена е одлука тој да се врати во Србија.

Поради ова, претседателот на Србија нема да присуствува на планираните настани. Тој нема да се појави на главните средби за кои допатува во САД. Меѓу нив била и планираната кратка средба со поранешниот американски претседател Доналд Трамп.

Вучиќ требало да има средби и со други личности. Планирани биле средби со конгресменката Клаудија Тени и со Род Благојевиќ. Предвидени биле и средби со српски претприемачи од САД.

Со него во САД биле и министерот за финансии Синиша Мали. Дел од делегацијата била и советничката за медиуми Сузана Васиљевиќ.

За точната здравствена состојба и причините за наглото влошување засега нема детали. Кабинетот на претседателот Вучиќ најави дека ќе ја информира јавноста во наредните денови.

Оваа ситуација ја доведува во прашање и најавената посета на Вучиќ на Москва. Тој требаше да присуствува на парадата на 9 Мај. Претходно изјавуваше дека во никој случај нема да се откаже од таа посета.