Остро предупредување од Пекинг до Трамп: Не мешајте се во нашата легитимна соработка со Русија

Пекинг против екстратериторијални закони

Амбасадата на Кина во Вашингтон јасно стави до знаење дека Пекинг категорично се спротивставува на екстратериторијалната примена на американското законодавство. Според претставникот Лиу Чанг, Кина нема да прифати еднострани рестриктивни мерки кои не се базирани на меѓународното право и немаат одобрение од Советот за безбедност на ОН.

Кинеските власти веќе нагласија дека ќе преземат решителни мерки за заштита на своите компании и економски интереси доколку Вашингтон се обиде да го прошири притисокот врз нивната соработка со Москва.

Законот што ја разгоре тензијата

Причината за овој нов спор е усвојувањето на законот „Санкции на Линдзи О. Греам врз Русија и Иран 2026“. Овој акт, кој помина низ Претставничкиот дом со 262 гласа „за“, значително ги проширува овластувањата на Белата куќа.

„Новите правила му дозволуваат на американскиот претседател да воведе тарифи до 100 проценти за стоки од земји што купуваат руска нафта или природен гас. Ова директно ги таргетира најголемите купувачи, како што се Кина и Индија.“

Вашингтон се обидува да ги намали приходите на Москва за да изврши притисок врз нејзината економија, додека Кремљ оцени дека овие „непријателски мерки“ само ќе ги искомплицираат напорите за постигнување мировен договор за Украина.