Страхил Ф.
Во своето последно телевизиско гостување, владиката изнесе жестоки политички ставови, посакувајќи ѝ на опозицијата повеќе никогаш да не се врати на власт. Овој негов настап повторно го отвори прашањето: може ли еден митрополит отворено да поддржува политичка партија, а истовремено да биде духовен пастир на верници со различни политички убедувања?
Црквата се дистанцира, Синодот не расправал
-
La Linea v27
699 ден
524.25 ден
Од Македонската православна црква – Охридска архиепископија (МПЦ-ОА) за медиумите изјавија дека Светиот архијерејски синод на последната седница воопшто не го отворил прашањето за овие изјави. Од црковното раководство единствено нагласуваат дека личното мислење на еден митрополит не е официјален став на целиот Синод. Засега нема најави дали овие политички настапи ќе бидат разгледувани во иднина.
„Јас им реков: колку што владееше претседателот на Југославија, толку ќе владее и ВМРО-ДПМНЕ сега. Немате шанси повеќе да дојдете на власт. И дај Боже да остане така.“
Лоша слика и нарушен углед на МПЦ-ОА
Познавачите на црковните состојби, како новинарот Марјан Николовски, забележуваат дека Синодот не може бесконечно да се крие зад формулацијата „лични ставови“. Тој посочува дека иако МПЦ-ОА официјално не води политика, таа низ годините најчесто била блиска до власта, без разлика која политичка опција е раководна. Николовски потсетува дека владиката Агатангел, заедно со митрополитот Петар, низ годините беа активни предводници на протести против политички одлуки, што неминовно нанесува штета на општата слика за црквата во општеството.
