Весна Љ.
Раст на гласовите наспроти „националната карта“
Во својата реакција, Мицкоски истакна дека нивната коалиција на овие избори настапила исклучиво со програма и концепт за развој на општината. Според неговите зборови, од другата страна противниците имале поддршка од „демографијата, националната карта и по некој тројанец за одвлекување на гласови“.
-
Кафе и пиво
699 ден
524.25 ден
И покрај поразот, лидерот на ВМРО-ДПМНЕ потенцираше дека партијата бележи значителен раст на довербата кај гласачите. Тој посочи дека растот на поддршката од првиот изборен круг е евидентен, зголемувајќи се од 3.000 на 4.200 гласа. Во споредба со последните парламентарни избори, коалицијата остварила раст од 1.300 гласа, што сепак, како што наведе, не било доволно за конечна победа.
Владина поддршка за сите граѓани на Брвеница
Премиерот ја искористи приликата да им се заблагодари на сите граѓани кои ја поддржале визијата на нивната коалиција, но испрати и јасна порака до сите жители на општината дека изборниот резултат нема да влијае врз односот на централната власт кон Брвеница.
Тој вети дека Владата ќе продолжи да им дава силна поддршка на сите жители на Брвеница, без разлика на нивната политичка определба или за кого гласале на овие локални избори.
„Благодарам на сите жители на Брвеница што гласаа за нас и на тие што не гласаа, сите жители на Брвеница ќе ја имаат поддршката од Владата. Една Брвеница за сите е повеќе од концепт, тоа е начин на работа“, порача Мицкоски во својата објава.
