Оваа скриена дрвена куќичка со одличен ентериер е место на кое би ги поминале зимските празници

Токму како што летото нѝ е резервирано за дружења на отворено со звукот на брановите во позадина или капење во градскиот базен, зимските денови ги користиме за бегство во природата и полнење на батериите далеку од градската бука.

Поради тоа, во сценариото за идеалниот зимски одмор во нашите мисли инстант се отсликува камин, топло ќебе и удобен кауч и поглед кон зеленилото кое нè опкружува.

Тие карактеристики ги поседуваат овие прекрасни куќички од дрво со интересен облик во Вашингтон кои ги изградиле Џејкоб Вицлинг и Сара Андервуд, имајќи на ум креирање на скриени оази во шуми.

https://www.instagram.com/p/B4QHSVuhOg9/?utm_source=ig_embed

Покрај кујната и мини дневната соба, куќата има и кревет во поткровјето и огромни прозорци од сите страни. Со оглед на тоа што и Сара и Џејкоб се страсни вљубеници во патувањето, тие одлучиле својот дом да го изградат токму во една ваква куќа. Куќичките сè уште не се достапни за изнајмување, но откако комплетниот проект ќе биде готов, не се сомневаме дека бројот на резервации ќе расте од час во час.