Весна Љ.
Мит за евтиниот гас и нови алтернативи
Гостувајќи на унгарската телевизија ATV по враќањето од Берлин, премиерот Петер Маѓар ги отфрли претходните официјални наративи за наводно привилегирани и евтини испораки на руски гас во земјата. Тој појасни дека цената се темели врз движењата на европската гасна берза TTF, а значаен фактор имаат и самите транзитни трошоци.
-
Кафе и пиво
699 ден
524.25 ден
Во рамките на разговорите со германските претставници, Маѓар отворил прашања за енергетската безбедност, вклучително и можноста за снабдување со течен природен гас (LNG) директно од Германија, со што се бараат нови начини за диверзификација.
Односи со ЕУ, милионските казни и Вишеградската група
Покрај енергетиката, Маѓар се осврна и на повеќегодишниот буџет на Европската Унија, како и на спорната казна од еден милион евра дневно што ЕУ ѝ ја изрече на Унгарија поради прашањата за азилот. Тој истакна дека владата активно соработува со Европската комисија за наоѓање законско решение до крајот на годината, со поддршка од германскиот канцелар.
Како дел од новата стратешка насока, унгарскиот премиер најави и зајакнување на соработката во рамките на Вишеградската група (В4) со Чешка, Словачка и Полска, со цел градење посилна преговарачка позиција на пазар од над 60 милиони жители пред Брисел.
„Унгарскиот премиер Петер Маѓар изјави дека нема евтин руски гас за Унгарија, наведувајќи дека цената на гасот што пристигнува од Русија се пресметува според движењата на европската берза за гас TTF, додека износот на транзитните трошоци е еден од важните фактори.“
