Политички земјотрес во Бугарија по трагедијата на „Тракија“: ГЕРБ бара оставка од премиерот Румен Радев и најавува гласање недоверба на Владата

Барање за оставки и гласање недоверба

На прес-конференција во бугарското Народно собрание, заменик-претседателот на ГЕРБ, Даниел Митов, изрази длабоко сочувство до семејствата на настраданите и истакна дека партијата свесно се воздржала од дневна политика на денот на самата национална трагедија. Сепак, според него, недоволната одговорност и реакции на извршната власт ја натерале опозицијата да преземе одлучни чекори, вклучително и започнување постапка за гласање недоверба на Владата.

Од партијата нагласуваат дека институциите потфрлиле во заштитата на граѓаните и обезбедувањето на минимални безбедносни услови во сообраќајот под тешки временски услови.

Обвинувања за пропусти во Агенцијата за патна инфраструктура

Поранешниот министер за регионален развој, Николај Нанков, изнесе сериозни обвинувања на сметка на Владата, тврдејќи дека во ситуацискиот центар на Агенцијата за патна инфраструктура имало податоци за густа магла и намалена видливост најмалку еден час пред случувањето на двете тешки сообраќајки, но не биле преземени соодветни мерки како ограничување на брзината или солeње на коловозот.

Нанков потсети и на наредбата од 19 август со која биле ограничени дел од редовните активности за одржување и зимска подготовка на патиштата, а го отвори и прашањето за неуспешниот проект од 2020 година за поставување 40 електронски информативни табли на „Тракија“, кој бил раскинат две години подоцна.

„Бугарската опозициска партија ГЕРБ побара оставка од премиерот Румен Радев и министрите кои, според нè, сносат одговорност за пропустите поврзани со двете тешки сообраќајни несреќи на автопатот „Тракија“.“