Весна Љ.
Несреќата се случила кога туристички автобус на полска транспортна компанија излетал и се превртел, при што десет патници се тешко повредени, а петмина од нив се наоѓаат во критична состојба во унгарските болници. Полскиот министер за правда, Валдемар Журек, истакна дека се преземаат сите мерки и дека се соработува тесно со унгарските власти за целосно разјаснување на околностите кои довеле до трагедијата.
Враќање од поклонение во Меѓугорје
-
La Linea v13
699 ден
524.25 ден
Според информациите од полското Министерство за надворешни работи, во автобусот патувале 56 патници и двајца возачи, сите полски државјани. Групата се враќала од поклонение во Меѓугорје, Босна и Херцеговина. Претставник на транспортната компанија „Михаел“, која постои веќе 28 години, потврди дека зад воланот биле двајца искусни возачи кои, за среќа, ја преживеале несреќата.
„Конзуларна и медицинска помош ќе им биде пружена на сите. Заедно сме во овие тешки времиња,“ порача полскиот премиер Доналд Туск преку мрежата „Икс“, најавувајќи дека владата ќе испрати специјален авион со лекари за репатријација на преживеаните патници.
Вонредни контроли на превозниците
Поради тежината на трагедијата, полскиот министер за инфраструктура, Дариуш Климчак, веднаш нареди интензивирање на проверките на компаниите за патен транспорт.
- Фокус на техничката исправност на автобусите.
- Строга контрола на работното време и задолжителниот одмор на возачите.
- Ревизија на начинот на кој се врши транспортот на патници во и надвор од Полска.
Овие мерки доаѓаат како надополнување на веќе активната кампања „Безбеден автобус“, во чии рамки од крајот на јуни досега се проверени над 3.500 автобуси ширум Полска.
