Весна Љ.
Фаворити и очекувања за излезноста
Јотова, која доколку победи ќе стане првата жена претседател на Бугарија, настапува како независна кандидатка, но ја има поддршката на Социјалистичката партија и владејачката „Прогресивна Бугарија“ на премиерот Румен Радев. Нејзиниот главен ривал, Андреј Ѓуров, кој е поранешен заменик-гувернер на централната банка и екс-премиер на преодната влада, ја ужива поддршката на прозападната реформска опозиција.
-
Петок
699 ден
524.25 ден
За победа во првиот круг е потребна излезност поголема од 50 отсто од вкупно 6,6 милиони регистрирани гласачи и освојување на мнозинството гласови. Бидејќи се очекува излезноста да биде под 40 отсто, аналитичарите предвидуваат дека ниту еден од 27-те кандидати нема да ги исполни овие услови, по што вториот круг би се одржал на 1 ноември. Според последните анкети, Јотова има предност со 47,3 отсто поддршка, додека Ѓуров е на 30,6 отсто.
Војната во Украина и економијата во фокусот на кампањата
Предизборната кампања во Бугарија помина во знакот на економските прашања и надворешната политика. Кандидатите се обидуваа да понудат одговори за наглиот раст на цените на енергенсите и високата инфлација. Истовремено, руската војна против Украина и ризикот од проширување на конфликтот во Црното Море предизвикаа поделби во ставовите околу надворешнополитичкиот курс на земјата.
„Односот кон војната во Украина е една од клучните точки по кои се разликуваме. Се залагам за мир постигнат преку преговори, а не со сила. Дали сакаме Црното Море да стане затворена воена зона? На таква одлука во никој случај нема да се согласиме. Нема да го прифатам ова воинствено поттикнување“, изјави Јотова за време на предизборниот митинг, нагласувајќи ја својата позиција која нејзините критичари ја опишуваат како понеутрална.
