РУСИЈА ОД ОН: „Украина со помош на Западот е претворена во концентрационен логор на Зеленски!“

Според Небензја, со активно учество на западните земји кои се претставуваат како демократски, во Украина е воведена целосна забрана за какво било различно мислење и опозиција. „Луѓето кои имаат храброст да изразат алтернативна гледна точка се испраќаат зад решетки и физички се ликвидираат без никакво судење и истрага“, изјави рускиот дипломат пред Советот за безбедност.

Шверц на оружје и континуирани воени удари

Рускиот претставник тврди дека западното оружје илегално пристигнува во украинските пристаништа скриено исклучиво на цивилни бродови. Како одговор на тоа, во периодот од 15 до 21 август, руските сили извршиле серија прецизни напади со дронови, при што се погодени 14 бродови, вклучувајќи танкери и товарни бродови кои ги користеле украинските вооружени сили.

„Сите обиди да ни се наметне замрзнување во форма на прекин на огнот само за да му се даде време на Киев да се прегрупира и вооружи, се осудени на целосен неуспех.“

Нема политички дијалог под закани

Москва останува цврсто на ставот дека нема да прифати никаков мировен договор што би бил на штета на нејзините национални безбедносни интереси. Небензја децидно порача дека суштински политичко-дипломатски дијалог за конфликтот нема да биде можен сè додека со Русија се зборува на јазикот на заканите и свесно се игнорира реалноста на теренот.