Весна Љ.
Американскиот претседател Доналд Трамп упати остра порака дека Техеран не смее да поседува нуклеарно оружје и нагласи дека Вашингтон воопшто не очекува постигнување на мировен договор под условите кои моментално ги бара Иран.
„Тие сакаат да постигнат договор, но нема да го постигнат договорот што јас го сметам за неопходен. Иран не смее да има нуклеарно оружје и нема да го има“, изјави претседателот Трамп.
Одговорот на Техеран: Подготвени сме за офанзива
-
La Linea v4
699 ден
524.25 ден
Од друга страна, официјален Техеран го оспорува истекот на 60-дневниот рок. Иранските власти оценуваат дека овој рок повеќе не е релевантен бидејќи Вашингтон веќе го прекршил претходниот договор. Тие децидно порачуваат дека меморандумот бил наменет за преговори и дека нема да носат никакви одлуки под американски ултиматуми.
Иран отворено предупредува дека доколку дипломатијата дефинитивно пропадне, државата ќе премине во офанзива и ќе возврати со директна воена акција. Портпаролот на иранското Министерство за надворешни работи, Есмаил Багаеи, истакна дека веќе долго време се преземени потребните подготовки за евентуален конфликт со САД.
Трамп му се закани на Оман, Пентагон се вооружува
Во меѓувреме, Иран соопшти дека постигнал разбирање со Оман за транзитните рути низ стратешкиот Ормутски теснец. Оман, кој активно посредува за повторно отворање на теснецот, веднаш се најде на мета на остри закани од Трамп, кој порача дека Вашингтон „лесно ќе се справи“ со нив доколку го попречуваат процесот.
Дека ситуацијата е алармантна покажуваат и следните случувања:
- Пентагон потпиша масивен договор вреден 22,9 милијарди долари за забрзано производство на крстосувачки ракети од типот „Томахавк“.
- Обединетите нации (ОН) упатија итен апел до Вашингтон и Техеран да ги обноват преговорите, да избегнат воена акција по секоја цена и веднаш да ја намалат острата реторика.
