Весна Љ.
Крај за 400-годишната илузија на Меркатор
Најголемиот проблем со досегашната слика за планетата лежи во познатата мапа на Меркатор, дизајнирана уште во далечната 1569 година од фламанскиот картограф Герард Меркатор. Иако оваа мапа со векови е широко користена, особено од европските морнари, таа создава огромно визуелно нарушување правејќи ги земјите поблиску до половите да изгледаат непропорционално поголеми. Најдобар доказ за оваа географска илузија е фактот што на старата мапа Африка и Гренланд изгледаат речиси идентично по големина, иако во реалноста африканскиот континент е дури 14 пати поголем од северниот остров.
-
Апсана
699 ден
524.25 ден
САД единствени против, Европа ја поддржа промената
Иницијативата за оваа историска промена беше официјално предложена од Того и веднаш наиде на масовна меѓународна поддршка. Резолуцијата беше усвоена со огромно мнозинство од 164 земји-членки, меѓу кои се најдоа и клучни европски сили како Франција и Обединетото Кралство, додека Соединетите Американски Држави беа единствената земја која гласаше против. При гласањето, воздржани останаа само шест држави: Естонија, Грузија, Литванија, Молдавија, Србија и Украина.
„Праведниот свет започнува со праведна мапа. Мапата никогаш не е неутрална. Таа ги обликува перцепциите и влијае на тоа како луѓето и континентите го разбираат своето место во светот“, порача министерот за надворешни работи на Того, Роберт Дусеј.
Новата „Проекција на еднаква Земја“ станува стандард
Како официјално решение и замена за застарениот приказ е избрана т.н. „Проекција на еднаква Земја“ (Equal Earth projection). Станува збор за современа мапа создадена од тим врвни картографи во 2018 година, со единствена цел максимално прецизно да ја прикаже реалната површина на сите континенти. Овој приказ претходно веќе беше усвоен од 54-те членки на Африканската унија, а иако гласањето во ОН не е правно обврзувачко, експертите се едногласни дека оваа одлука ќе иницира сигурна замена на сите мапи во глобалните институции и образовниот систем ширум светот.
