Се појави ли Михаел Шумахер за прв пат по несреќата?

На островот Мајорка, во саботата, се одржа елегантната свадбена церемонија на Ѓина Шумахер и нејзиниот долгогодишен партнер Јаин Беке. Според медиумските извештаи, двојката го изговорила судбоносното „да“ во фамилијарната вила на Шумахерови, која вреди околу 30 милиони евра. Оваа луксузна вила претходно била сопственост на претседателот на Реал Мадрид, Флорентино Перез, пред да биде купена од семејството Шумахер.

Како што пренесе „Дејли Мејл“, свадбата се одвивала под строги мерки на приватност, а гостите морале да ги остават своите мобилни телефони, со цел да се зачува интимноста на настанот и приватноста на семејството.

Но, најголем интерес предизвикаа гласините кои ги објави германскиот медиум „Билд“, според кои самиот Михаел Шумахер присуствувал на венчавката. Ова би било негово прво појавување во јавноста од несреќата на скијање во 2013 година, што дополнително ги зголеми шпекулациите.

Иако нема официјална потврда за неговото присуство, самиот настан привлече огромно внимание, не само во Германија, туку и на глобално ниво.

• Дали Шумахер навистина бил таму во саботата? Можно е, и тоа многу можно. Но, не бил во градината каде што биле останатите гости, од кои некои не се дел од најтесниот семеен круг – пишува „Билд“.