во ,

Славниот НБА играч кој тврдеше дека Земјата е рамна плоча, сега одбива да се вакцинира: „Сè е тоа дел од Ѓаволскиот план“

Кошаркарот на Бруклин Нетс, Кајри Ирвинг, е еден од 50-те играчи од НБА лигата кои не се вакцинирани против коронавирус, но неговата причина е по малку „чудна“.

Имено, тој не сака да се вакцинира бидејќи, како што тврди новинар од магазинот „Rolling Stone“, смета дека сето тоа е „дел од Ѓаволскиот план“.

Со овој потег, Ирвинг може да ѝ создаде проблеми на својата екипа бидејќи Сан Франциско (Голден Стејт Вориорс) и Њујорк (Бруклин Нетс и Њујорк Никс) се единствените два града кои имаат строги правила околу собирањата, односно нема да може ниту еден невакциниран поединец да се најде на овие натпревари.

Ендру Вигинс е проблем на Голден Стејт, што значи дека нема да може да игра ниту еден натпревар дома, а судејќи по сè, „главоболка“ имаат и Бруклин Нетс поради Кајри, кој е воедно и една од најголемите ѕвезди на оваа екипа.

Новинарот на „Rolling Stone“, Мет Саливен, причината за невакцинирањето на Ирвинг ја гледа во неговите ставови и размислувања бидејќи, како што тврди, ѕвездата на Бруклин започала да размислува дека сè е лага и обид за угнетување на темнокожите кошаркари.

„Ирвинг, потпретседател на играчката заедница во НБА лигата, започнал да следи и лајкнува Инстаграм објави за теории на заговор според кои постои „тајно друштво“ кое низ вакцините вградува чипови во темнокожите луѓе за да ги поврзат на голем компјутер, со цел да го извршат „Ѓаволскиот план“, вели Саливен.

Кајри Ирвинг веќе неколкупати беше во центарот на јавноста поради своите изјави и верувања, особено кога отворено зборуваше дека Земјата е всушност рамна плоча.

-20% Попуст

Што мислиш?

26 Поени
Upvote Downvote

Напишете коментар

Вашата адреса за е-пошта нема да биде објавена. Задолжителните полиња се означени со *

Неверојатна сцена: Погледнете како овие „другари од дворот“ се чуваат едни од други од предатори

12 Најлуди снимки од луѓе „уловени“ во неверство