Весна Љ.
Гласачи, прагови и избирачки места
Право на глас имаат вкупно 6.450.523 избирачи, кои ќе можат да го остварат своето право на 8.392 избирачки места, од кои 93 се наоѓаат во 37 држави во странство. За овие избори, изборниот праг за деветте мнозински листи изнесува три проценти, додека за преостанатите девет малцински листи важи природниот праг, кој се пресметува со делење на бројот на важечките гласови со 250 (вкупниот број на пратенички места).
-
La Linea v8
699 ден
524.25 ден
На гласачкото ливче се наоѓаат 18 политички субјекти и коалиции, меѓу кои листата предводена од Српската напредна партија на Александар Вучиќ, коалицијата на Ивица Дачиќ, Студентската листа, повеќе малцински и десничарски коалиции, како и „Европска Србија“ која обединува дел од опозициските партии.
Синхронизирано гласање и меѓународни набљудувачи
Главната новина на овие избори е тоа што гласањето во странство ќе се одвива истовремено со гласањето во Србија, што значи дека отворањето на избирачките места во дијаспората ќе зависи од локалната временска зона. Оваа мерка е воведена со цел да се спречи предвремено објавување на резултатите.
„За да се обезбеди регуларноста, изборниот процес ќе биде следен од меѓународна набљудувачка мисија која вклучува претставници од Парламентарното собрание на Советот на Европа, ОБСЕ, Европскиот парламент и ОДИХР. Во меѓувреме, јавните обвинителства организираат 24-часовни дежурства за брзо постапување по пријави за изборни нерегуларности“, информираат надлежните институции.
