Туристички хаос во Виена: Возачите „лежат“ на свирките додека пешаците се сликаат на сред улица

Хаос во центарот на Виена: Туристите го блокираат сообраќајот за „совршено селфи“ пред џиновска црвена панделка

Во срцето на Виена деновиве владее вистински сообраќаен колапс, но причината не се временските услови, туку новата „селфи-атракција“ која ги полуде туристите. Огромна црвена украсна панделка (XXL машна) поставена на фасадата на позната продавница кај зградата на Операта и популарната шопинг улица „Кернтнер штрасе“, предизвикува метеж од невидени размери. Возачите се принудени постојано да свират за да ги растераат толпите луѓе кои, во потрага по совршена празнична фотографија, излегуваат на коловозот и целосно ги игнорираат сообраќајните правила и семафорите.

Конкуренција на панделката: 30 мечиња и 2 милиони светилки го осветлуваат градот

Џиновската панделка не е единствената причина за „селфи-манијата“. На познатата „Маријахилфер штрасе“, сериозна конкуренција станаа 30 плишани мечиња кои висат над еден ресторан, каде исто така стотици луѓе застануваат секој час за фотографирање. Градот годинава блеска со полн сјај – украсени се вкупно 32 шопинг улици, а инсталирани се над 200 километри кабли кои напојуваат спектакуларни 2 милиони светилки, претворајќи ја Виена во бајка која, за жал на возачите, носи и многу нервоза во сообраќајот.