Весна Љ.
Официјални резултати и милионска поддршка
Според податоците на бугарската Централна изборна комисија, по обработени 99,95 отсто од избирачките записници, кандидатската двојка Јотова–Влчев освоила 57,58 проценти од гласовите. Нивните противкандидати, Андреј Ѓуров и Георги Кандев, ја завршија трката со освоени 39,47 проценти поддршка.
-
Хемија
699 ден
524.25 ден
Во апсолутни бројки, за Јотова и Влчев гласале 1.093.564 избирачи, додека за Ѓуров и Кандев својот глас го дале 749.543 граѓани. Интересен е податокот дека опцијата „Не поддржувам никого“ на гласачкото ливче ја избрале 56.070 гласачи, што претставува речиси 3 проценти од вкупниот број на граѓани кои излегле на гласање.
Пораки за мир, соработка и враќање на младите
Во своето прво победничко обраќање, Јотова им се заблагодари на сите граѓани кои го искористиле своето демократско право, потенцирајќи дека ќе биде претседателка и на оние кои не ѝ ја дале својата поддршка. Таа нагласи дека граѓаните јасно избрале политика на соработка и решенија, отфрлајќи ги конфронтациите и поделбите во општеството. Јотова упати и специјална благодарност до актуелниот премиер Румен Радев, чија поддршка ја оцени како клучна за време на целата изборна кампања.
Новоизбраниот потпретседател Кирил Влчев ги претстави своите приоритети, најавувајќи посилно претставување на Бугарија во светот, со посебен фокус кон дијаспората и младите генерации. „Мора да се погрижиме нашите деца да останат во Бугарија, а оние што заминале да се вратат“, истакна Влчев.
„Почитуван господине Радев, немаше да можеме да го направиме ова без вас. Никогаш не се поколебавте во вашата поддршка за мене“, изјави Јотова на заедничката прес-конференција на која премиерот оцени дека граѓаните избрале мир, стабилност и јасна перспектива за земјата.
