ФБИ го истражува шефот на „Nvidia“: Трамп тврди дека Џенсен Хуанг не знаел дека неговата партнерка е кинеска шпионка

Детали за истрагата и реакцијата на Вашингтон

Претседателот на САД, Доналд Трамп, ја потврди вмешаноста на ФБИ во случајот, истакнувајќи дека по разговор со Хуанг е уверен оти првиот човек на „Nvidia“ не знаел за вистинскиот идентитет на жената. Според информациите објавени од американските медиуми, станува збор за Алис Хуанг (позната и како Хуанг Ле), која била на раководна позиција во фирмата „Megaspeed“ од Сингапур – компанија која директно соработувала со технолошкиот гигант.

Официјален Пекинг категорично ги отфрли овие тврдења, нарекувајќи ги обвинувањата „целосно неосновани“ и обид за оцрнување на Кина. Од друга страна, „Nvidia“ започна сопствена независна истрага, нагласувајќи дека немаат причина да веруваат оти корпоративните тајни и националната безбедност на САД се загрозени.

Trump says he spoke to Jensen Huang today and "he said he had absolutely no idea that the person in question was a spy. And I really believe him." pic.twitter.com/Az1Z1y3eMv

— Aaron Rupar (@atrupar) November 9, 2026

Q: To follow up, when were you first told of these potential issues with Jensen Huang? You didn't answer that question

TRUMP: Uhhhhh, not too long ago

Q: When is that?

TRUMP: We'll look into it. I think he will be in good shape. pic.twitter.com/RLdYWVNViF

— Aaron Rupar (@atrupar) November 9, 2026

Огромен финансиски удар и тужба од акционерите

Овој геополитички скандал предизвика тектонски потреси на берзата. По објавувањето на информациите, акциите на „Nvidia“ паднаа за повеќе од 4 отсто во понеделникот, со што компанијата, која е клучен играч во развојот на вештачката интелигенција, изгуби вртоглави 250 милијарди долари од својата пазарна вредност во само еден ден.

Дополнителен притисок врз компанијата претставува и колективната тужба поднесена од акционерите во Калифорнија. Тие го обвинуваат Хуанг и раководството за измама, тврдејќи дека намерно ги прикриле врските со осомничената шпионка која, според наводите, се обидувала да помогне во шверцувањето на напредни чипови во Кина.

„Претседателот на САД, Доналд Трамп, изјави дека ФБИ ја истражува љубовната афера помеѓу извршниот директор на „Nvidia“ и жена за која постои сомневање дека е кинески шпион… Трамп рече дека тој не знаел дека таа е шпионка.“