Весна Љ.
Запалени објекти, возила и десетици повредени
Тензиите во албанската престолнина прераснаа во директни пресметки меѓу демонстрантите и полицијата. Централниот булевар „Мачениците на нацијата“ е исполнет со чад, запалени возила и остатоци од камења и пиротехнички средства кои демонстрантите ги фрлаа кон полициските кордони. Во нередите беше нападнато дури и амбулантно возило.
-
Dolce & Kafana
699 ден
524.25 ден
Според последните информации од албанските медиуми, ситуацијата излегла од контрола кога дел од зградата на Врховниот суд бил зафатен од пожар, а во непосредна близина биле запалени автомобил и повеќе контејнери. Како последица на жестоките судири, за само неколку часа се регистрирани вкупно 34 повредени граѓани и полициски службеници.
Рама: Ова не е напад врз владата, туку врз европскиот пат
И покрај масовните протести низ целата земја и жестокиот притисок на улиците, албанскиот премиер Еди Рама категорично ги отфрли сите повици за негова оставка. Во своето обраќање емитувано на социјалната мрежа Фејсбук, тој го минимизираше влијанието на протестите врз стабилноста на неговиот кабинет.
„Овие протести не претставуваат закана за мојата влада. Ниту јас, ниту владата не сме тие што се ставени на тест. Наместо тоа, овие протести претставуваат директен предизвик и закана за напредокот на земјата и нашиот пат кон членство во Европската Унија“, порача Рама.
