Весна Љ.
Од мирни барања до кршење излози и водени топови
Илјадници млади луѓе излегоа на улиците во Франкфурт, Берлин, Келн и Хамбург за да го изразат своето незадоволство против високите трошоци за живот, задолжителниот воен рок и недоволното финансирање на образовниот и здравствениот систем. Иако протестите, инспирирани од слични движења во Франција и Италија, започнаа со мирни маршови, со паѓањето на мракот ситуацијата излезе од контрола. Полицијата беше принудена да употреби водени топови за да ги растера групите кои кон кордоните фрлаа пиротехника, камења и шишиња.
Инфилтрирани екстремисти и ограбена продавница за оружје
-
Те сакам како пивото
699 ден
524.25 ден
Најсериозниот инцидент се случи во Франкфурт, каде што голем дел од главната шопинг-улица беше блокиран од полицијата по пријавите за „насилни немири“. Вандали кршеле излози и фрлале молотови коктели кон службите за итни случаи. Властите потврдија дека била ограбена и продавница за оружје, а подоцна кај дел од уапсените биле запленети две парчиња огнено оружје.
Според министерот за внатрешни работи на покраината Хесен, Роман Посек, во протестот во Франкфурт се инфилтрирале „околу 100 левичарски екстремисти“ кои го иницирале насилството. Портпаролката на кампањата, Лина Фридрих, потенцираше дека нивната борба е исклучиво за мир и слобода, оградувајќи се од вандализмот.
„Она што ни е најважно е подобра поддршка за здравствениот и образовниот систем. Ние сме против задолжителната воена служба и сме за пофер распределба на товарот, а не за војна и принуда“, изјави портпаролката Фридрих.
