Весна Љ.
Предупредување од САД и закана за „повеќе жртви“
Информацијата првично произлезе од Амбасадата на САД во Москва, која јавно соопшти дека располага со податоци за „веродостојна закана од инцидент со повеќе жртви“. Според американското предупредување, цел на можниот напад бил познатиот музејски комплекс и парк Царицино, лоциран во јужниот дел на руската престолнина. Од амбасадата ги повикаа своите граѓани строго да ја избегнуваат оваа област и нагласија дека американската влада го координира својот одговор директно со надлежните руски власти.
Евакуација на Царицино и реакција на ФСБ
-
La Linea v11
699 ден
524.25 ден
Веднаш по добиените сознанија, руските разузнавачки служби и полицијата презедоа конкретни мерки на терен. Музејскиот комплекс Царицино, кој претставува голема палата од царскиот период опкружена со простран парк, беше итно затворен за јавноста поради спроведување оперативни активности. Според рускиот канал „База“, кој важи за близок до безбедносните структури, посетителите биле повикани веднаш да го напуштат просторот, а на местото биле распоредени силни полициски сили.
ФСБ излезе со кратко, но конкретно соопштение со кое ја потврди ретката разузнавачка размена меѓу Вашингтон и Москва во ек на актуелните геополитички тензии.
„Од американската страна, преку партнерски канали, добиени се информации за подготовки за терористички чин во Москва. Во моментов се преземаат соодветни мерки“, се наведува во официјалното соопштение на руската Федерална служба за безбедност.
