ЦЕЦА со нова изјава за инцидентот со БУГАРСКОТО знаме во ВЕЛЕС

Откако скандалот со бугарското знаме на концертот во Велес не стивнува, Цеца Ражнатовиќ даде нова, бурна изјава, овојпат насочена кон српските медиуми кои тврдеа дека ѝ бил прекинат настапот.

Инцидентот се случи кога обожавателка од публиката ѝ подаде бугарско знаме, а пејачката се наметна со него, што предизвика измешани реакции. По ова, некои медиуми објавија дека таа морала да ја напушти сцената, па дури и дека била „исфрлена од концертот“.

Револтирана од ваквите гласини, Цеца при пристигнувањето на едно снимање остро им одговорила на српските новинари.

„Зошто не истражувавте?“

Кога новинарите ја замолиле да ги искоментира случувањата во Велес, таа луто одговорила: „Дали сте новинари? Зошто не истражувавте?“

„Се ширеа лаги дека мојот концерт бил прекинат и дека ме натерале да се симнам од сцената! Дали е тоа вистина? Пеев повеќе од два и пол часа… Мислам, чест на исклучоците, а има и такви што шират такви глупости“, рече пејачката.

„Има и полоши афери“

За самата ситуација со бугарското знаме, таа кратко прокоментирала дека веќе дала изјава на таа тема и дека инцидентот бил „решен“.

„Да, таа ситуација се случи… Има и полоши афери за кои не ги вознемирувате моите колеги. Пеам 40 години. Никогаш во животот не сум имала провокативна изјава и ништо друго“ – заклучи Цеца.