ЧИЛИМАНОВ АНАЛИЗИРА: Нервоза во Тирана – Еди Рама се губи во сопствените политички игри!

Балканскиот политички ветеран, кој 13 години владее со Албанија, очигледно се заигра со сили кои се далеку над неговото ниво. Од најверен војник на империјата на Сорос и демократите во САД, Рама сега панично се обидува да фати приклучок кај администрацијата на Трамп, нудејќи албански острови за елитни летувалишта и воени бази. Но, неговата досегашна идеолошка опција не простува неверство, па тој одеднаш се соочи со тактиките што самиот ги спонзорираше низ регионот – обоени револуции и масовни протести во сопствениот двор.

Крај на послушноста и промена на курсот во Македонија

За разлика од минатото, кога Рама креираше платформи и договараше македонски влади во неговиот кабинет во Тирана, ситуацијата денес е драстично променета. Македонија веќе не е „чергиче за бришење на патиките“ на албанскиот премиер, туку држава која, преку новата влада, активно ги обновува врските со македонското малцинство во Пустец и решително ги штити националните интереси. Времето кога Рама со потсмев зборуваше за македонските политичари пред европските лидери е дефинитивно завршено.

„Рама целосно го промашува моментот, мислејќи дека ова е 2017 година и дека повторно може со помош на меѓународниот фактор да бира премиери и коалиции во Македонија.“

Очајнички потези и барање надворешни непријатели

Соочен со силен внатрешен притисок и граѓански протести поддржани од прогресивните западни медиуми, Рама почнува да повлекува очајнички потези. Во обид да ја дефокусира јавноста, тој несмасно обвинува дека зад протестите стојат странски служби – ирански, грчки, па дури и македонски агенти. Уплашен од растот на опозицијата и губењето на регионалната контрола преку ДУИ, Рама покажува сериозни знаци на политичка слабост во регион кој веќе не ги толерира неговите интриги.