Весна Љ.
За 15 август во повеќе грчки региони е прогласен многу висок ризик од пожари. Ова особено се однесува на омилените дестинации за нашите граѓани – Халкидики и Света Гора, каде е активиран највисок степен на готовност на сите надлежни служби.
Што значи пораката од 112?
-
Балтазар
699 ден
524.25 ден
Пораката од бројот 112 пристигнува директно на мобилниот телефон и речиси секогаш е проследена со силен и карактеристичен звучен аларм. Таа може да биде општо предупредување за опасност во околината, но може да претставува и директна наредба за итна евакуација.
„Доколку во пораката е наведено дека треба да се напушти одредено место, туристите треба веднаш да ги следат упатствата на грчките власти и означените евакуациски правци. Не треба самостојно да избираат алтернативна рута или да се приближуваат кон пожарот.“
Силните ветрови дополнително ја влошуваат состојбата
Силните ветрови кои дуваат во регионот ја зголемуваат опасноста, бидејќи можат многу брзо да го променат правецот и драстично да го забрзаат ширењето на огнот кон населените места и туристичките одморалишта.
Затоа, доколку на вашиот телефон пристигне порака од 112 – прочитајте ја многу внимателно, не паничете и постапете точно според дадените официјални инструкции.
