Возач во Сплит не престанува да кружи: Снимката ја насмеа цела Хрватска

Необична сцена од Жњан во Сплит го привлече вниманието на јавноста откако возач беше снимен како постојано се движи низ истиот кружен тек.

Тој минувал круг по круг, толку долго што очевидците наводно престанале да бројат колкупати се вратил на истото место.

Снимката веднаш стана вирална

Видеото брзо се прошири на социјалните мрежи, а корисниците почнаа да погодуваат што го натерало возачот да продолжи да кружи.

Дел од нив се пошегуваа дека погрешно го разбрал сообраќајниот знак со бројот 30 и помислил дека треба да направи толку кругови.

Други претпоставија дека можеби доаѓа од место каде што нема кружни текови, па решил целосно да го искористи искуството.

Навигација, неодлучност или успивање дете?

Во коментарите се појавија и други можни објаснувања. Некои сметаа дека возачот не можел да одлучи на кој излез да сврти, додека други ја обвинија навигацијата.

Имаше и претпоставки дека со возењето се обидувал да успие дете во автомобилот. Некои, пак, едноставно заклучија дека кружниот тек се вика така со причина.

Локацијата дополнително ги воодушеви корисниците, кои се пошегуваа дека и самите би направиле уште неколку кругови поради убавиот поглед.

Причината за необичното возење не е позната, но снимката го претвори мистериозниот возач во една од најкоментираните интернет-теми во Хрватска.