Временски пресврт за празниците: Денес југо и 14 степени, од четврток – снежна покривка

Топол и дождлив Бадник, но подгответе се за шок: Од утре доаѓа снег и силен ветер!

Бадник годинава го дочекуваме со невообичаено високи температури и чадори наместо снегулки. Денеска ќе биде променливо облачно со повремен дожд и засилен јужен ветер. Температурите ќе се искачат до високи 14 степени, што е далеку над просекот за јануари.

Утре (Божиќ) обилни врнежи, во четврток вистинска зима

УХМР издаде предупредување за драстична промена. Утре (среда), на самиот Божиќ, се очекуваат обилни врнежи од дожд (над 25 l/m²) и силен ветер (над 60 km/h). Но, вистинскиот шок доаѓа во четврток: продорот на ладен воздух ќе донесе снег и формирање на снежна покривка, особено во западните делови. Ако патувате за празниците, бидете исклучително внимателни во среда навечер и четврток.