Додик: Концертот на Томпсон во Загреб не беше музика, туку афирмација на омраза и славење на злосторства!

Претседателот на Република Српска, Милорад Додик, изјави дека настапот на Марко Перковиќ Томпсон во Загреб не бил музички настан.

Според него, тоа било промоција на ревизионизам, афирмација на омраза и нетрпеливост. Исто така, и славење на злосторства и на оние кои ги правеле злосторствата. Оваа негова изјава предизвика многу реакции во регионот.

„Тоа не беше концерт, туку политичка платформа на идеологија. Идеологија за која верувавме дека е поразена пред 80 години,“ нагласи Додик. „Кога половина милион луѓе извикуваат поздрав под кој се убиени стотици илјади Срби, Евреи, Роми и други, тогаш тоа е знак за аларм. Аларм не само во Хрватска, туку и во цела Европа.“

Тој наведе дека јавноста мора да се запраша нешто. Каква е иднината која е втемелена на омраза, на зло, на славење на страдањето на другите и на релативизирање на смртта на невините, пренесува РТРС.