Кумот не е копче, дури и кога двајца мора да го држат исправен

Кумот, кој секако има важна улога на секоја свадба, бил толку пијан што не можел да стои на нозе.

На една свадба во Ваљево, Србија, главната ѕвезда не била невестата, туку кумот. На снимката што стана вирален хит, се гледа како младоженците пристигнуваат на местото за венчавање, а кумот го носат двајца мажи, кои практично го држат за да не падне. Тие го придржувале цело време, бидејќи тој очигледно не можел да стои самостојно.

Најкомичниот момент, кој ги „извади од патики“ корисниците на социјалните мрежи, е реакцијата на матичарката. Кога видела во каква состојба е кумот, таа професионално, но видно шокирано, им предложила на младенците да ја одложат венчавката.

Ипак је ДУГМЕ…једно
😆😆😆 pic.twitter.com/WfR0wnFTm3

— Сава Савановић (@SavaIISavanovic) July 18, 2023

Повеќе од само пијанство – „кумот не е копче“

Сепак, свадбата продолжила. Младенците, очигледно полни со разбирање за својот пријател, не му замериле. Како што вели старата изрека, „кумот не е копче“. Тие го избакниле, а тој, откако си ја завршил главната должност, набрзо ја напуштил прославата која траела до доцна во ноќта.