ДРАМА ВО КУМАНОВО: Кратовец со нож нападнал и тешко го повреден полицаец, побаран притвор!

Напад со нож зад заклучена врата

Според официјалните информации од Основното јавно обвинителство Куманово, настанот се одиграл на 11 септември. Кога полициските службеници со употреба на сила ја отвориле заклучената врата од собата во која се наоѓал осомничениот, тој ненадејно ги нападнал.

Во обидот да извршат службени дејствија за јавната безбедност, осомничениот со нож му нанел тешки телесни повреди на еден од полицајците, кои резултирале со прободна рана и длабока посекотина.

„Ценејќи ја реалната опасност од бегство, како и можноста за повторување на делото, надлежниот јавен обвинител достави итен предлог до судијата на претходна постапка за определување мерка притвор за осомничениот.“

Кривична одговорност според КЗ

Против 40-годишникот е отворена истражна постапка за основано сомнение за сторено кривично дело – Напад врз службено лице при вршење работи на безбедноста по член 383 од Кривичниот законик, со што случајот продолжува во надлежност на истражните и судските органи.