Весна Љ.
Детонација во магацинот со пиротехника
Според првичните официјални информации од тамошните власти, катастрофата се случила во петокот околу 14:30 часот по локално време. Експлозијата избувнала во специфичен дел од касарната каде што бил складиран пиротехнички материјал и опрема, по што следела силна детонација која предизвикала вистински пустош во објектот. Причината за настанувањето на оваа разорна експлозија сè уште не е позната и веќе е предмет на опсежна истрага од страна на надлежните државни и воени органи.
NEW: Two dead, 59 wounded in Bolivia army barracks blast, police say pic.twitter.com/vc1GF8WYze
— Insider Paper (@TheInsiderPaper) September 5, 2026
-
Хемија
699 ден
524.25 ден
Десетици повредени и страв од црн биланс
Билансот на настраданите постојано се ажурира, а властите стравуваат дека црната статистика може драстично да се влоши како што одминува времето. Боливискиот министер за одбрана, Ернесто Јустинијано, официјално потврди дека најмалку 81 лице е повредено во инцидентот, додека уште седум лица во моментов се водат како исчезнати. Иако првичните медиумски извештаи говорат за најмалку двајца загинати, државниот врв повика на смиреност, одговорност и трпение додека траат спасувачките операции.
„Постојат прелиминарни извештаи за можни смртни случаи, но сакам да бидам одговорен: нема да објавиме никаков број на жртви додека оваа информација не биде целосно потврдена“, изјави министерот Јустинијано на социјалните мрежи.
