Весна Љ.
Во своето обраќање на Источниот економски форум во Владивосток, Лавров истакна дека Западот манипулира со меѓународните структури. Според него, западните земји одбиваат рамноправен консензус и се навикнати насилно да ја наметнуваат својата политичка волја врз остатокот од светот. Тој отиде чекор подалеку, тврдејќи дека Европа историски „никогаш не живеела од сопствениот труд и ум“, туку експлоатирала преку колонијализмот и ропството, претставувајќи ги актуелните европски санкции кон Русија само како продолжување на обидите за одржување на западната хегемонија.
Директен напад врз германскиот канцелар Фридрих Мерц
-
Џаст До Ит!
699 ден
524.25 ден
Посебен фокус во говорот на Лавров беше ставен на Германија и изјавите на германскиот канцелар Фридрих Мерц. Рускиот дипломат изјави дека бил „запрепастен“ од наводните планови на Мерц „повторно“ да ја направи Германија главна воена сила во Европа, поврзувајќи го зборот „повторно“ со мрачното минато на нацистичка Германија. Сепак, анализите на официјалните говори на канцеларот Мерц покажуваат дека тој навистина најавил трансформација на Бундесверот во „најсилна конвенционална армија“, но без употреба на зборот „повторно“, кој главно бил изговорен од новинари за време на прес-конференции.
На крајот, Лавров заклучи дека на европските членки на НАТО очајнички им е потребен надворешен непријател за да ги оправдаат своите домашни политики. Тој порача дека Москва нема намера да „трча по Европа и да моли за укинување на санкциите“, бидејќи има доволно глобални партнери подготвени за соработка. Од друга страна, официјален Брисел потсетува дека санкциите се директен одговор на руската инвазија на Украина и се базираат на одбраната на демократијата и владеењето на правото.
„Ако вештачки создадената слика за непријателот во форма на Русија исчезне, гласачите едноставно ќе го уништат огромното мнозинство влади во Европската Унија и земјите од НАТО.“
