Марта Кос со јасна порака: Уставните измени се услов за европскиот пат на Северна Македонија

Ветувањето кон ЕУ мора да се исполни

Во своето најново интервју за бугарската национална телевизија (БНТ), Кос нагласи дека уставните измени не се само билатерално прашање, туку обврска која веќе е договорена на највисоко европско ниво. „Владата во Северна Македонија мора да го одржи своето ветување. Тие мора да го променат својот устав, ова е договорено меѓу Северна Македонија и 27-те земји-членки на ЕУ“, децидна е еврокомесарката.

Оптимизам за соработка со новата влада во Софија

И покрај досегашните политички блокади, Кос изрази надеж дека процесот наскоро ќе се придвижи напред, потпирајќи се на добрата соработка со властите во Софија. Таа смета дека постои позитивен моментум за проширувањето кој Скопје треба да го искористи.

„Верувам во новата бугарска влада, со која соработувам многу добро. Сите ние заедно ќе најдеме начин да го движиме процесот напред со Северна Македонија. Откако ќе се направи промената на уставот, ќе сметам на поддршката и од вашата земја, за да продолжиме напред и со Северна Македонија“, заклучи Кос.