Весна Љ.
Жртви и оштетувања низ целиот град
Градоначалникот на Киев, Виталиј Кличко, информираше дека едно лице го загубило животот во близина на супермаркет, а според Државната служба за вонредни ситуации, телото било пронајдено покрај тешко оштетена станбена зграда. Меѓу десетмината повредени, повеќето се студенти кои се наоѓале пред студентскиот дом на Државниот универзитет за трговија и економија. Деветмина од нив се хоспитализирани, од кои тројца се наоѓаат во тешка здравствена состојба.
-
Верувај во себе
699 ден
524.25 ден
Поради серијата експлозии кои го потресоа градот, во делови од Киев на источниот брег на реката Днепар дошло до прекин на електричната енергија. Оштетени се и прозорци на две медицински установи, а повредени се и двајца припадници на итната помош додека се упатувале кон местата на нападот.
Russian ballistic missiles struck the grounds of a university in Kyiv and the area around it – effectively the campus, Kyoto Park, the area near a metro station, and residential buildings. The exact number of casualties is not yet known. But tragically, there are victims. There… pic.twitter.com/7PIIBsgi4N
— Volodymyr Zelenskyy / Володимир Зеленський (@ZelenskyyUa) October 26, 2026
Апел од Зеленски за итна испорака на оружје
Украинскиот претседател Володимир Зеленски истакна дека спасувачките операции сè уште траат и предупреди дека одложувањето на воената помош од сојузниците е погубно за цивилното население. Тој директно ја повика американската администрација да дејствува побрзо.
Зеленски претходно нагласи дека Украина речиси еден месец чека одобрување од американскиот министер за одбрана, Пит Хегсет, за испорака на клучните ракети за системите „Патриот“ и НАСАМС, со цел градовите да можат соодветно да се одбранат од постојаните воздушни удари.
„Токму во вакви услови, кога заканата е постојана, кога нападите можат да се случат во секој момент и да погодат градови и села, вештачкото одложување на испораката на противвоздушната одбрана за Украина му помага на теророт“, порача претседателот Зеленски.
