Милијарди форинти, евра и долари закопани во шуми: Голема полициска акција и заплена на пари во Унгарија

Милијарди скриени во шуми, магацини и тајни сефови

Во координирани акции спроведени на 12 и 13 ноември, Националната канцеларија за враќање и заштита на имотот заплени точно 5.071.632.000 форинти, 2.658.350 евра и 1.257.100 американски долари. Претресите биле извршени на повеќе локации низ Будимпешта, како и во областите Пешта, Бекеш и Ноград.

Берово те очекува

A Airbnb ◎ Instagram

Она што особено ја шокираше јавноста се локациите каде што биле пронајдени парите. Најголем дел од готовината бил откриен закопан длабоко во шуми, скриен во земјоделски и магацински објекти, како и во скап сеф на тајна локација. Целокупната запленета сума веќе е префрлена во унгарската државна каса.

Here is the footage released by the National Asset Recovery and Protection Office showing billions of forints' worth of cash being dug out of the ground. The money belonged to @PM_ViktorOrban's former minister, Miklós Seszták.

When the money was handed over, 12 employees of the… https://t.co/CwWxTTHHDO pic.twitter.com/FFmfPa9iv6

— Magyar Péter (Ne féljetek) (@magyarpeterMP) November 13, 2026

Корупција околу „Воланбус“ и падот на поранешниот министер

Оваа филмска заплена е директно поврзана со истрагата против Миклош Шештак, кој од 2014 до 2018 година беше министер за национален развој во владата на Орбан. Тој и тогашниот директор на државната агенција за управување со имот, Норберт Сивек, се осомничени дека преку посредници примиле повеќе од 11 милијарди форинти незаконска корист од компании кои склучувале договори со државниот автобуски превозник „Воланбус“.

Шештак е уапсен уште во септември, а притворот му е продолжен до 30 јануари 2027 година, иако тој ги негира сите обвинувања. Случајот доби и силна политичка димензија откако унгарскиот премиер Петер Маѓар изјави дека оваа заплена го означува дефинитивниот крај на, како што ја нарече, „мафијата Фидес-КДНП“.

„Најголем дел од готовината бил откриен на необични места – закопан во шуми или сокриен во земјоделски и магацински објекти… По заплената реагираше и унгарскиот премиер Петер Маѓар, кој оцени дека случајот го означува крајот на мафијата Фидес-КДНП.“