Марко Ш.
Случајот со Михаилов предизвика бурни реакции во јавноста, особено поради фактот што тој се бара за тешко кривично дело поврзано со обид за убиство. Наместо да биде зад решетки, бегалецот доби медиумски простор во соседната држава, што го вклучи алармот кај македонските институции. Премиерот нагласи дека сега на потег се бугарските власти.
НАТО партнерството ставено на тест
-
Дарт Вејдер
699 ден
524.25 ден
Мицкоски потсети на сојузништвото меѓу двете држави, посочувајќи дека ваквите ситуации бараат сериозен институционален одговор. Македонија има распишано валидна потерница и очекува почитување на меѓународните правни норми. Тој истакна дека партнерството мора да се докажува на дело, особено кога станува збор за борбата против криминалот.
„Ние имаме потерница и очекуваме нашите партнери да постапат соодветно на партнерството, бидејќи ние сме партнери со нашиот источен сосед во една друга алијанса којашто се вика НАТО.“
Според премиерот, не смее да има засолниште за лицата кои се сомничат или се веќе осудени за прекршоци и кривични дела. Единствениот начин да се докаже нечија вина или невиност е пред надлежните судови. Владата очекува Бугарија без одложување да го испорача бегалецот и да покаже конструктивност во овој правен процес.
