Весна Љ.
На средбата се разговараше за отворање нови можности за унапредување на соработката во низа области кои се од заемен интерес за двете држави. Соговорниците се согласија дека досегашните позитивни политички релации треба да резултираат со опипливи придобивки, со посебен фокус на економијата, одбраната, сајбер-безбедноста, здравството, земјоделството и туризмот.
Потпишани два клучни билатерални документи
-
La Linea v14
699 ден
524.25 ден
Во насока на зајакнување на институционалната рамка, министрите Муцунски и Саар потпишаа два важни документи кои ќе ја трасираат идната соработка меѓу двете земји. Станува збор за Програма за соработка во областа на образованието, науката, културата, младите и спортот за периодот 2026–2029 година, како и Меморандум за разбирање за билатерални економски консултации меѓу двете министерства.
„Посетата е можност силните политички односи да ги преточиме во поконкретна соработка, особено во економијата, одбраната и одбранбената индустрија, сајбер-безбедноста, здравството, земјоделството и туризмот“, истакна министерот Муцунски по средбата.
Благодарност за поддршката по трагедијата во Кочани
За време на разговорите, Муцунски ја искористи приликата да изрази длабока благодарност за солидарноста и несебичната поддршка што државата Израел и израелскиот народ ги покажаа кон нашата држава. Оваа благодарност особено се однесуваше на помошта по неодамнешната трагедија во Кочани, што претставува уште еден доказ за цврстото пријателство меѓу двата народи.
