Новак Ѓоковиќ донесе одлука: Еве каде ја започнува сезоната 2026 пред Австралија Опен

Српскиот тенисер Новак Ѓоковиќ донесе одлука новата сезона 2026 да ја започне на турнирот во Аделајд, кој ќе му послужи како главна подготовка за Австралија Опен.

Ноле се враќа во овој град за првпат од 2023 година, кога ја освои титулата, а сега од 12 до 17 јануари ќе се обиде да стигне до својот 102. трофеј во кариерата.

Иако станува збор за турнир од категоријата 250, конкуренцијата ќе биде прилично силна бидејќи учеството го потврдија Стефанос Циципас, Томи Пол, Џек Дрејпер и Жоао Фонсека. По одморот во Атина, Доха и Данска, Ѓоковиќ е подготвен за новите предизвици и напад на завршницата на првиот Грен слем во сезоната, и покрај годините и помладите ривали.