„Ова е време за мене“: Што планира Лепа Брена по официјалното пензионирање

Лепа Брена и официјално пензионер: Нова животна етапа за балканската ѕвезда

Една од најголемите музички ѕвезди на Балканот, Лепа Брена, на 64-годишна возраст и официјално се пензионираше. Иако веста ја потврди извор близок до пејачката, Брена нема намера да ја напушти сцената. Пензионирањето го гледа како нова фаза во животот, време кога ќе може да се посвети на себе и на своето семејство, уживајќи во работата и животот со помалку притисок.

Лепа Брена, која е активна на музичката сцена повеќе од четири децении, ги поднесе потребните документи за пензионирање пред неколку месеци. Сега добила решение од ПИО фондот со кое го остварила своето право на пензија. Според извор за српските медиуми, пејачката е среќна поради пензионирањето, но ѝ е чудно да се нарекува пензионерка. Таа не планира да го промени својот начин на живот, туку ќе продолжи да настапува, но со многу повеќе уживање.

Пејачката веќе почнала да ужива во слободното време за време на корона-пандемијата. Тогаш сфатила дека е време повеќе да им се посвети на себе и на сопругот Боба. Иако е официјално пензионирана, таа истакнува дека најмногу ужива во својата работа и концертите.

Бизнис во рацете на Боба и љубов кон музиката

Брена во една прилика зборуваше за нејзините планови за пензионирање уште на 30-годишна возраст. Тогаш работела по два концерта дневно со групата „Слатки грех“. Била многу уморна и сакала да се занимава со бизнис. Меѓутоа, како што самата вели, запознавањето со Слободан Живојиновиќ, познат како Боба, ѝ го променило животот. Тој го преземал бизнисот, а нејзе ѝ овозможил да продолжи да се занимава со шоу-бизнисот, кој навистина го сака. За неа најважно е да има време за публиката и да ѝ ја даде целата своја љубов и енергија. Таа вели дека дури сега почнала да ужива во својата работа, па затоа нема да престане со настапи.