Весна Љ.
Оставка на 27 септември и избори на 25 октомври
Александар Вучиќ соопшти дека на крајот на месецот и официјално ќе ја напушти претседателската функција, по што планира сопствена кампања на терен. Во гостувањето на телевизијата „Пинк“, тој изјави дека има намера да ги обиколува најоддалечените српски села со камп-приколка и автомобил, очекувајќи убедлива победа од над 50 отсто на изборите закажани за 25 октомври.
-
Вонземјанин
699 ден
524.25 ден
Ваквиот чекор доаѓа по речиси две години непрекинати и масовни протести кои се разгореа по трагедијата на железничката станица во Нови Сад, каде животот го загубија 16 лица, а Вучиќ уште во јуни најави дека ќе се повлече од претседателската функција.
„Најдолго бев претседател на Србија, а потоа станувам обичен граѓанин. Си набавив камионче, имам свој автомобил, набавив и некоја камп-приколка и ќе обиколувам села и урбани места“, изјави Вучиќ.
Студентска листа како главен опозициски ривал
Додека траеше телевизиското обраќање, центарот на Белград беше преплавен од илјадници граѓани кои излегоа да ја поддржат „Студентска листа – студентите победуваат“. Ова движење, предводено од истакнатиот кардиолог и универзитетски професор Илија Срдановиќ, претставува клучна алтернатива на претстојните избори.
Дел од опозициските партии, меѓу кои Демократската партија и Движењето Тргни-промени, веќе објавија дека целосно ќе го поддржат студентското движење и нема да излегуваат со сопствени посебни кандидати, со што се создава обединет фронт против владејачката структура.
