Весна Љ.
Историски победи во Тексас и Северна Каролина
Според информациите што ги објави угледниот „Фајненшл тајмс“ (Financial Times), демократите успеале да направат сериозен пробив и да освојат сенаторски места кои со години беа под контрола на републиканците. Најголемо изненадување претставуваат победите во Тексас, Охајо, Северна Каролина, Јужна Каролина и Џорџија.
-
Те сакам како пивото
699 ден
524.25 ден
Во Северна Каролина победа однесе демократот Рој Купер, додека во Тексас се испиша нова политичка историја. Кандидатот Џејмс Таларико стана првиот демократ кој е избран во американскиот Сенат од оваа конзервативна држава по далечната 1988 година.
Одлучувачката битка во Ајова и проблемите за Трамп
За обезбедувањето на конечното мнозинство во Сенатот, според објавата на „Фајненшл тајмс“, одлучувачка била победата во Ајова. Таму демократот Џош Турек успеа да ја победи републиканката Ешли Хинсон во исклучително тесна изборна трка.
Ваквиот исход од меѓуизборите претставува значајна промена во политичкиот баланс во Вашингтон. Преземањето на контролата врз Сенатот од страна на демократите сериозно ќе влијае врз моќта на претседателот Доналд Трамп, бидејќи новото мнозинство ќе може да го блокира спроведувањето на неговите политики, како и неговите кадровски и судски номинации во следните две години.
„Овој изборен резултат претставува тежок удар за Републиканската партија и најавува период на жестоки политички пресметки и законодавни блокади на релација Бела куќа – Конгрес“, оценуваат политичките аналитичари.
