„Последната наредба ја примив во Косово во 1983 година“: Славески остро ги отфрли обвинувањата на СДСМ

Обвинувања за „Алта банка“ и кривични пријави

Политичката бура започна откако опозициската СДСМ во медиумите изнесе тврдења дека премиерот Христијан Мицкоски ја штител „Алта банка“ и наводно го натерал гувернерот да покрене постапки против лидерот Венко Филипче, како и против Саша Димитријевиќ, Андреј Жерновски и Александар Трајановски. Од Народната банка претходно појаснија дека пријавите против нив се поднесени исклучиво поради јавни изјави за банката со кои се ширела паника и невистини во финансискиот сектор.

„Последната наредба ја примив во ЈНА“

Берово те очекува

A Airbnb ◎ Instagram

Во својот јавен одговор до опозицијата, Славески потенцираше дека централната банка функционира независно и дека тој своите одлуки ги носи целосно самостојно, без влијание или диктат од партиски и владини структури.

Со карактеристичен стил, тој го илустрираше својот став потсетувајќи се на своите војнички денови, јасно ставајќи до знаење дека никој денес не може да му „наредува“ какви одлуки да носи на функцијата.

„Го натерал, му наредил… Што ви е вам?! Последната наредба што ја примил и извршил војникот Т. Славески е од своите старешини за време на отслужување на воениот рок во поранешната ЈНА во далечната 1983/84 година на Косово.“ — напиша Славески на платформата X (поранешен Твитер).