Правило од 24 часа: Како да препознаете дали заборавеноста е знак на деменција?

Мозокот пали црвено светло: Знаци на деменција што не смеете да ги игнорирате

Губењето на независноста е еден од најголемите стравови на стареењето, а проценките велат дека до 2050 година дури 200 милиони луѓе ќе се соочат со деменција. Експертите откриваат едноставен тест: ако заборавите нешто и се сетите во рок од 24 часа, нема простор за паника. Но, ако сеќавањето не се врати ниту по едно деноноќие, тоа може да биде сериозен аларм. Болеста не удира само по меморијата за неодамнешни настани, туку и по логиката, ориентацијата и способноста за извршување рутински задачи како плаќање сметки.

Лекции од Брус Вилис и Робин Вилијамс: Крстозборките не се доволни за превенција

Освен Алцхајмеровата, постојат и подмолни форми како фронтотемпоралната деменција (дијагностицирана кај Брус Вилис) која почнува со проблеми во говорот, и деменцијата со Луи тела (кај Робин Вилијамс), која често погрешно се лекува како Паркинсонова болест. За да го заштитите мозокот и да поттикнете создавање на нови неврони, само решавањето крстозборки не е доволно бидејќи тоа е рутина. Мозокот бара учење на сосема нови вештини, физичка активност и квалитетен сон, особено во утринските часови.