Редок гекон со две глави го изненади светот: „Сајмон и Гарфанкел“ успешно напредува

Редок двоглав гекон, наречен „Сајмон и Гарфанкел“, успешно преживеал четири недели по излегувањето од јајцето.

Животните со ваква развојна аномалија најчесто живеат кратко, па неговиот напредок предизвика големо внимание.

Малиот гребенест гекон се излегол на 29 јуни во одгледувачницата „Rockstar Gecko“ во округот Карбон, во североисточниот дел на американската сојузна држава Пенсилванија.

Двете глави се хранат самостојно

Одгледувачите велат дека двете глави можат самостојно да земаат храна. Геконот сè подобро ги координира движењата, иако моментално тежи само 1,8 грама.

„Одлично напредува и многу сме задоволни од неговиот развој“, соопштија од одгледувачницата.

Кај животното е утврдена дицефалија, ретка развојна аномалија при која една единка се развива со две глави.

Немало никаков знак на јајцето

Одгледувачите истакнуваат дека на јајцето немало ништо што би укажувало на необичен развој.

Само еден ден по излегувањето, геконот самостојно ја сменил кожата. Сега престојува во специјално приспособен терариум, каде неговата состојба внимателно се следи.

Научниците досега забележале многу мал број двоглави гекони. Поради реткоста на ваквите случаи, не постојат сигурни податоци за нивниот животен век.

Здравите гекони живеат и до 20 години

Здрав гребенест гекон во заробеништво може да живее меѓу 15 и 20 години.

Сепак, кај единките со две глави прогнозите се неизвесни. Засега „Сајмон и Гарфанкел“ продолжува да се храни и да напредува под постојан надзор на одгледувачите.