Рецептот што секогаш успева: Најмеката пројара што враќа во детството

Мирисот на свежо печена пројара веднаш враќа во детството.

Овој едноставен, но неодолив рецепт за пројара (позната и како проички кога се прави во калапи) ги спојува вкусовите на домашната традиција и топлината на семејниот оброк. Мека, мирисна и печена до златна коричка, таа е совршен избор за појадок, ужина или како додаток на главното јадење.

Состојки за пројара:

• 3 јајца
• 500 мл јогурт
• 400 г пченкарно брашно
• 150 г бело брашно (Тип 500)
• 200 мл масло
• 1 кесичка прашок за печиво
• 1 рамна лажичка сол

Подготовка на пројарата:

1. Јајцата изматете ги со миксер додека не станат пенести.
2. Додадете ги јогуртот, двата вида брашно, прашокот за печиво, солта и маслото.
3. Сè добро изматете прво малку со миксер, а потоа продолжете со лажица или жица за матење додека смесата не се соедини.
4. Намрсете ги калапите за мафини (за проички) или обичен плех за печење.
5. Истурете ја смесата и печете во добро загреана рерна на 200 степени додека пројарата не добие убава златно-кафеава боја.
6. Послужете ги топли со јогурт или кисело млеко.