„Ти се вовлекува во колата!“: хорор момент во ресторан за брза храна

Еден возач од Флорида, кој стоел пред локален „драјв-ин“ ресторан, доживеал невиден шок додека чекал во ред да ја преземе својата нарачка!

Кирин Салвари, кој стоел зад него, забележал како голем питон се вовлекува во автомобилот пред неговиот. Тој го извадил телефонот и го снимил несекојдневниот момент.

„Ти се вовлекува во автомобилот!“ – се слуша на снимката како Салвари го предупредува возачот на теренецот.

„Ми се вовлекува во колата!“ – одговара шокираниот возач, кој веднаш тргнува во рикверц.

„Чекај, застани, застани!“ – го спречува Салвари да ја прегази змијата.

Питонот потоа, според неговите зборови, си заминал по својот пат.