Есенска чорба што мириса на дом: рецептот на баба што ја грее душата

Во октомври, кога последните домати зреат, а деновите стануваат поладни, чорбата од домати има вкус на носталгија.

Тоа не е онаа лесна летна варијанта, туку густа, полна со вкус, топла и миризлива – баш за есенските денови.

Состојки:

• 1 кг зрели домати
• 1 главица кромид
• 2-3 чешниња лук
• 500 мл супа од зеленчук или пилешка (бујон)
• 2 лажици маслиново масло или малку путер
• Сол, бибер, лист од босилек
• По желба: павлака за готвење или маскарпоне за покремаст вкус

Подготовка:

На загреано масло пропржете го ситно сечканиот кромид додека не омекне, па додадете го лукот. По една минута, додадете ги доматите (можете претходно да ги излупите ако сакате пофина текстура). Оставете да се готви десетина минути, па прелијте со бујонот и крчкајте уште 15-20 минути додека доматите не омекнат и сè убаво не се соедини.

Тргнете го од оган и измиксајте со рачен миксер додека не добиете мазна чорба. Посолете, побиберете, ставете ги листовите босилек и, ако сакате покремаста верзија, додадете малку павлака или маскарпоне. Вратете кратко на оган за сè да се поврзе.

Повеќе од само чорба – како да ја послужите

Послужете ја топла, со неколку капки маслиново масло и парче крцкав леб. Ако сакате уште пополн вкус, испечете ги доматите и лукот во рерна пред да ги готвите – чорбата од домати ја сака таа сладост и чадена нота што ја претвораат во вистински мал есенски луксуз во чинијата.