Трагедија на 2.000 метри до целта: Искусен маратонец почина на патеката во Франција

Трагедија на најстарата трка во Франција: Маратонец почина откако колабираше на само два километри пред целта

Искусен 59-годишен тркач од регионот Алзас почина за време на учеството на познатиот зимски ултрамаратон „Сент-Лион“ (SaintéLyon). Инцидентот се случил во драматични околности, кога маратонецот ненадејно се струполил на земја на само два километри пред финиш линијата, по истрчани повеќе од 20 километри по тешкиот терен кој ги поврзува градовите Сент-Етјен и Лион. Според францускиот весник „Фигаро“, починатиот важел за редовен спортист, што ја прави неговата ненадејна смрт уште пошокантна за организаторите и учесниците.

Медицинска сестра трчала веднаш зад него, но реанимацијата била неуспешна

Во моментот на колабирањето, среќна околност била што веднаш зад него трчала учесничка која по професија е медицинска сестра. Таа веднаш започнала со укажување прва помош, а за многу кратко време пристигнал и професионален медицински тим на итната помош. За жал, и покрај брзата реакција и обидите за реанимација на патеката, лекарите не успеале да го спасат животот на маратонецот.

„Сент-Лион“: Тест на издржливост во екстремни услови

Трката „Сент-Лион“ се смета за најстара во Франција, организирана континуирано од 1952 година. Таа е култна меѓу тркачите не само поради историјата, туку и поради тешките услови – се трча ноќе, честопати на ниски температури, дожд, снег и кал. Овој настан привлекува десетици илјади учесници (низ историјата над 200.000), кои ја тестираат својата физичка и ментална издржливост.