Трамп не ја исклучува воената опција: Сакам да го решам прашањето за Куба пред да ја напуштам функцијата

Остри критики и отворена врата за воена интервенција

Во разговор со конзервативниот радио-водител Хју Хјуит, американскиот претседател ја опиша Куба како „пропадната држава“ и „место што не функционира“. На директно прашање дали би употребил воена сила за да го ослободи островот од комунистичкиот режим, Трамп одговори дека „секако би ја разгледал таа опција“, додавајќи дека верува оти режимот таму наскоро ќе падне.

Берово те очекува

A Airbnb ◎ Instagram

Американскиот претседател веќе подолго време најавува можни фундаментални промени за островот. Иако претходно споменуваше можна поддршка на „хуманитарна основа“, во своите најнови изјави тој е значително поостар, тврдејќи дека комунистичко-социјалистичкиот систем на земјата целосно пропаѓа.

PRESIDENT TRUMP: I want to get Cuba done before I leave, yeah. We have a very good, talented guy for Cuba named Marco. pic.twitter.com/BLJILtcsAl

— Department of State (@StateDept) November 12, 2026

Поддршка од кубанската дијаспора

Трамп потсети на силната поддршка што ја добива од гласачите со кубанско потекло на Флорида, нагласувајќи дека сака да направи нешто за луѓето кои пребегнале во САД поради лошиот третман. Во тој контекст, тој го спомена и државниот секретар Марко Рубио, чии родители се со потекло од Куба, посочувајќи дека и тој силно би поддржал решавање на кубанското прашање.

„Би сакал да можам да го направам тоа за тие луѓе – за Кубанците кои дојдоа овде откако таму се однесуваа многу лошо кон нив… Мислам дека можам да правам што сакам со неа. Без разлика дали ќе ја ослободам или ќе ја преземам, мислам дека можам да правам што сакам.“ — изјави Трамп.