Весна Љ.
Планови за удари по изборите на 3 ноември
Враќајќи се од предизборен собир во Јужна Каролина, Трамп јасно стави до знаење дека дипломатските разговори се замрзнати. „Не, мислам дека не преговараме. Наскоро ќе се случи нешто, на еден или на друг начин. Повеќето луѓе сметаат дека тоа ќе биде по изборите – ќе видиме што ќе се случи“, изјави американскиот претседател, тврдејќи дека САД веќе го поразиле Иран и воено и финансиски, притоа повторувајќи го ветувањето дека нема да дозволи Техеран да создаде нуклеарно оружје.
-
Бетмен силуета
699 ден
524.25 ден
Според информациите на влијателниот весник „Њујорк тајмс“, американските и израелските воени сили интензивно подготвуваат сценарија за кратка, но екстремно интензивна воена операција по конгресните избори на 3 ноември. Како потенцијални цели се означени иранските нуклеарни капацитети, енергетската инфраструктура, како и базите за балистички ракети и дронови. Двете војски веќе ги зачестија и заедничките вежби со прелети над Ирак.
Трамп најави разговор со Путин за инцидентот во Сибир
Покрај кризата на Блискиот Исток, Трамп најави дека „многу наскоро“ директно ќе разговара со рускиот претседател Владимир Путин во врска со смртта на вработена во Институтот против чума во Иркутск, Сибир, случај кој поттикна сомневања за појава на смртоносна пневмонична чума.
Светската здравствена организација (СЗО) и американските Центри за контрола и превенција на болести (ЦДЦ) будно го следат развојот на настаните, иако руските власти тврдат дека нема потврдени патогени и дека ризикот е под контрола.
„Навременото, целосно и транспарентно споделување информации е од суштинско значење за да се разјаснат спротивставените извештаи и прецизно да се процени потенцијалниот ризик по јавното здравје“, порача првиот човек на СЗО, Тедрос Аданом Гебрејесус, додека американските служби вршат детални анализи на разузнавачките податоци.
