Швајцарците кријат злато како пирати – 200 тони благороден метал „закопан“ под земја и во домашни сефови

Новото истражување од Универзитетот во Сент Гален откри дека Швајцарците имаат вкупно околу 200 тони злато, проценето на 14,9 милијарди швајцарски франци. Близу две третини од испитаниците веруваат дека златото е сигурна инвестиција, особено во време на инфлација и економска нестабилност.

Интересно е што дел од Швајцарците своето злато го чуваат на многу нетрадиционален начин – закопано во градини или скриено во домови. Професорот по економија Серџо Роси коментира дека оваа пракса покажува недоверба во банките и ја споредува со однесувањето на пирати, кои богатството го криеле во тајни локации.

Според студијата, 5% од испитаниците навистина го имаат закопано златото во градините, а 15% го чуваат дома, додека 18% користат домашен сеф. За многумина, ова „закопано богатство“ е последна резерва – 43% од сопствениците би го продале само во краен случај.